Hanuman Charitra 2

Episode 26

వనాలు పట్టుకు తిరుగుతున్న, ఆ వానర బుద్ధి, 

నిశ్చలమ్మై పొందునా, సచ్చిదానంద సిద్ధి ? 

వేగుల వలన విషయాలు తెలుసుకునే కొద్ది, 

ఊగులాడే సుగ్రీవు-మది ఏదో ఆశ కొద్ది 

***

వానర రూపంలో ఉన్నా, అద్భుతానంద స్థితినున్న,

ఆంజనేయుని ధ్యానాన, గోచెరమాయే వింత రోదన, 

నగల మూటను విసిరి చటుక్కున, వెడలె విమానం దక్షిణ దిక్కున, 

రావణ హస్తం ఉండునా, ఈ అక్రుత్యాన, అనుచు అంతా నిలచిరి ఓ అనుమానాన! 

***
Episode 27

 గుర్తుపట్టాలని తానెళ్ళిన బాట, ఆనవాలు గా వదలె ఆ పడతి ఈ మూట,

వస్తారు ఆమె కొరకు ఏదోఒక పూట, వెతుక్కుంటు తన వారు అనుకొన్నారట,

కొన్నాళ్ళకు తెలిసెను గుండె పగులు మాట, దశకంఠ విమానాన చిక్కుకున్న వనితా

రోదిస్తూ వెళ్లినామే సీతయే నట, ఇన్నితెలిసినా పరిస్థితుల వలన, తప్పలేదు వారికి ఊరకుండుట.

***
Episode 28

పంపా తీరం దుఃఖ-దూరం సౌందర్య సారం హనుమ ప్రియ విహారం, 

చేరి చూడగా పర్వత శిఖరం గోచరమాయే ధృడ ఆకారం, 

హనుమ మది లో మమకారం సుగ్రీవుకు మాత్రం విచారం, 

స్వామి పై వేసి సర్వ భారం, చెయ్యమన్నాడు రాయభారం.

***


Episode 29

మాటల తోటల వనమాలి, విద్యలు ఉండెను నీ లోపలి,

నీకు తెలియనిది అంతా ఆవలి, రక్షకుడా భజరంగ-బలి,

నన్ను హతమార్చేందుకు, పంపాడేమో వీరిని వాలి,

అదినిజమైతే చూపకు జాలి, లేకుంటే అర్పించు చెలిమి నివాళి.

**

పోగిదేకొద్దీ పొంగే స్వామి,

ఉంటె చాలు ఆయన హామీ,

స్మరణను తప్ప కొరడు ఏమి,

లేదు హనుమకు సరిసాటి, ఈ భూమి!

**

ఉనికి తెలుపరు ఓ పట్టాన, భేదించ లేదు ఏ చిక్కు ప్రశ్న,

కనిపెట్టార నా నటన, అనుకొనే హనుమ లోలోన,

ఆ ఇరువురిలో పెద్దవాడిని, చూసి పొంగెను ఎద యమున,

నిజ కథ అంతా తెలిపే స్వామికి, శ్రీరాముడుండ, అసత్యముండునా?

***
Episode 30

దోషం లేని మాటల రేడు, దోషాలన్నీ పోగొడతాడు,

శిక్షా శాస్త్రం శిరమున చూడు, వ్యాకరణానికి నోరే గూడు

ఛందస్సుకు గమ్యంమ్మీతడు, నిరుక్తమంతా నిర్వచనీయుడు,

సూర్య సుతునికి మంత్రి ఈతడు, లక్ష్మణా ఈ హనుమను చూడు!!!

**

అగ్ని సాక్షిగా కుదిరెను చెలిమి, 

సుగ్రీవు పొందె అభయపు కలిమి,

ఇక బాధించదు కష్టాల కొలిమి, 

రామయ్య ఉండగ దేనికి లేమి ?

**

విడిచిపెట్టి ఈ మూటడు నగలు, సీతమ్మ వదిలెను ఆనవాలు,

అది చూసి రెట్టించే రామయ్య దిగులు ఆక్షణానే మూర్చిల్లు, 

దుద్దులు గాజులు భుజకీర్తులు ఇవి ఏవి తెలియవు అసలు, 

ఉదయానే నే ప్రణమిల్లు అమ్మ పాదపు అందెలు, ఇవిగోననుచు సౌమిత్రి రోదిల్లు.

***